វីរុសបំប្លែងថ្មីប្រភេទ (Delta) ឆ្លងចូលដល់ក្រុងភ្នំពេញ

វីរុសកូវីដ១៩ បំប្លែងថ្មី B.1.617.2 (Delta) បានរកឃើញថាកំពុងមានវត្តមាននៅក្នុងក្រុងភ្នំពេញ និងកំពុងរាលដាលលើមនុស្សជាច្រើននាក់។ នេះបើតាមសេចក្តីជូនដំណឹងរបស់ក្រសួងសុខាភិបាលកម្ពុជា នៅថ្ងៃទី ០២ ខែ សីហា ឆ្នាំ២០២១។

ក្រសួងសុខាភិបាល សូមជម្រាបជូនសាធារជនទាំងអស់ឲ្យបានជ្រាបថា យោងតាមលទ្ធផលនៃការធ្វើផលវិភាគដោយវិទ្យាស្ថានបាស្ទ័រ នាថ្ងៃទី​៣១ ខែ កក្កដា ឆ្នាំ២០២១ ប្រទេសកម្ពុជា បានរកឃើញករណីឆ្លងវីរុសកូវីដ១៩ ដែលបំប្លែងថ្មី B.1.617.2 (Delta) ចំនួន ៤៣នាក់ និងនៅថ្ងៃទី​០១ ខែ សីហា ឆ្នាំ២០២១ ចំនួន ៦៦នាក់។ ក្នុងនោះក៏បានរកឃើញ មនុស្សច្រើននាក់ នៅក្នុងរាជធានីភ្នំពេញ បានឆ្លងនូវវីរុសបំប្លែងប្រភេទថ្មី និងកំពុងសម្រាកព្យាបាលនៅក្នុងមន្ទីរពេទ្យ។