មិត្តភាពកម្ពុជា-ចិនអាចឃើញមនោសច្ចេតនាពិតក្នុងគ្រាលំបាក ទំនាក់ទំនងដែកថែបដែលមិនអាចបំបែកបាន

ឯកឧត្តម ហ៊ុយ វណ្ណៈ រដ្ឋលេខាធិការ ក្រសួងមហាផ្ទៃ និង ជា​ប្រធាន​សហភាព​សហព័ន្ធ​អ្នក​សារព័ត៌មាន​កម្ពុជាបានទទួលបទសម្ភាសន៍ជាមួយកាសែត《សារព័ត៏មាន ជានហ្វា 》 ថា ទំនាក់ទំនងរវាងកម្ពុជានិងចិនមានទិដ្ឋភាពច្រើនយ៉ាង។ ភាគីទាំងពីរអាចរស់នៅនិងរស់នៅប្រកបដោយសុខដុមរមនា ហើយទំនាក់ទំនងកាន់តែជិតស្និទ្ធនិងរឹងមាំ។

លោកបានរំលឹកថា មិត្តភាពជាប្រពៃណីរវាងកម្ពុជានិងចិនគឺជាមិត្តភាពរវាងចិននិងកម្ពុជាដែលត្រូវបានបង្កើតរួមគ្នានិងចិញ្ចឹមបីបាច់យ៉ាងយកចិត្តទុកដាក់ដោយមេដឹកនាំជំនាន់មុននៃប្រទេសទាំងពីរ រួមមានលោកប្រធានម៉ៅសេទុង នាយករដ្ឋមន្រ្តីចូវអេនឡាយ និង សម្តេចសីហនុ។ ទំនាក់ទំនង ដែលមុននេះទៅទៀត គឺអាចទៅដល់អតីតកាល លោក Zhou Da Quan ដែលជាមន្រ្តីរាជវង្សយាននៃប្រទេសចិន ពេលនោះគាត់បានមកដល់កម្ពុជា នឹងមាន​ទំនាក់ទំនងល្អជាមួយប្រជាជនកម្ពុជា។

លោកបន្តថា តាមទស្សនៈវិស័យវប្បធម៌នៃប្រទេសកម្ពុជានិងប្រទេសចិនមានលក្ខណៈប្រហាក់ប្រហែលគ្នា ហើយភាគីទាំងពីរក៏បានប្តេជ្ញាចិត្តជួយគ្នាទៅវិញទៅមក ដូចលោកនាយករដ្ឋមន្ត្រីហ៊ុនសែនបានមានប្រសាសន៍ថាទំនាក់ទំនងមិត្តភាពរវាងកម្ពុជានិងចិនត្រូវបានបង្កើតឡើងយូរណាស់មកហើយ មុនប្រទេសចិនចូលជាសមាជិករបស់អង្គការសហប្រជាជាតិ។ កម្ពុជាមិនមែនថាចិនកាន់តែរឹងមាំហើយៗខិតខំជិតស្និទ្ធជាមួយចិននោះទេ ប្រទេសទាំងពីរបានខិតខំធ្វើការជួយគ្នាទៅវិញទៅមកនិងគាំទ្រគ្នាទៅវិញទៅមក ហើយក៏បានរៀបចំផែនការចក្ខុវិស័យរយៈពេលវែងផងដែរ។

“ខ្ញុំធ្លាប់និយាយដោយត្រង់ ៗ ជាមួយមិត្តអាមេរិកថា អ្នកមានទស្សនៈទាននយោបាយបើកចំហ ប៉ុន្តែទស្សនៈទាននយោបាយនេះគ្រាន់តែជាសន្យាខ្យល់ ផ្ទុយទៅវិញចិនកម្រនិយាយណាស់ ប៉ុន្តែធ្វើបានច្រើនជាងនេះ។ ឥឡូវអាគារដែលយើងកំពុងអង្គុយនេះ គឺជាអាគារសាងសង់ដោយចិន ខ្ញុំបានប្រាប់មិត្តអាមេរិកដូច​ ប្រហែលជាមានការអាចនិយាយលេងសើច​ មិនជាការឌឺចំទេ”

ឯកឧត្តម ហ៊ុយ វណ្ណៈក៏មានប្រសាសន៏ទៀតថា  ការចុះហត្ថលេខាលើកិច្ចព្រមព្រៀងពាណិជ្ជកម្មសេរីរវាងកម្ពុជានិងចិន គឺជាការប្រមូលផលដ៏ធំមួយសម្រាប់កម្ពុជា ហើយកម្ពុជាអាចនាំចេញផលិតផលកាន់តែច្រើនទៅទីផ្សារប្រទេសចិន ជាពិសេសប្រែក្លាយវិស័យកសិកម្មទៅជាកសិ-ឧស្សាហកម្ម ។ មិត្តភាពរវាងប្រទេសទាំងពីរនឹងបង្កើតតម្លៃមនុស្ស ហើយក្លិនក្រអូបនៃតម្លៃមនុស្សនឹងសាយភាយទៅកាន់ប្រទេសផ្សេងទៀត​ និងពិភពលោកតែម្តង។

ឯកឧត្តម ហ៊ុយ វណ្ណៈ៖ បញ្ហាតូចតាចនៅខេត្តព្រះសីហនុនឹងមិនប៉ះពាល់ដល់ការអភិវឌ្ឍរួមទេ

ថ្មីៗនេះឆ្លើយតបទៅនឹងសារព័ត៏មានអវិជ្ជមានមួយចំនួននៅខេត្តព្រះសីហនុ ឯកឧត្តម ហ៊ុយ វណ្ណៈបាននិយាយថា ពេលដែលក្រឡេកមើលក្រុងព្រះសីហនុ វាចាំបាច់ត្រូវមើលនិងវិភាគស្ថានភាពជាក់ស្តែងនិងដំណាក់កាលនីមួយៗ។ ការអភិវឌ្ឍទីក្រុងមិនអាចជៀសផុតពីផលប៉ះពាល់ខ្លះនោះទេ នេះគឺជាការពិតដែលត្រូវទទួលស្គាល់។ ប៉ុន្តែបើគ្មានការវិនិយោគ តើមានការអភិវឌ្ឍអនាគតមកពីណា។

ឯកឧត្តមបានឡើងឧទាហរណ៍ថា ការអភិវឌ្ឍទីក្រុងពិបាកគេចផុតនឹងរងផលប៉ះពាល់ណាស់ ឧទាហរណ៍ការសាងសង់ផ្លូវនឹងបណ្តាលឱ្យធូលីហុយពេញមេឃ ក្នុងនោះក៏បូករួមទាំងភ្នំពេញ និង ខេត្តព្រះសីហនុផងដែរ ប៉ុន្តែវានឹងមិនប៉ះពាល់ដល់ការអភិវឌ្ឍរយៈពេលវែងនិងការអភិវឌ្ឍទីក្រុងឡើយនាពេលអនាគត។

ឯកឧត្តមបានសង្កត់ធ្ងន់ដូច្នេះថា “តាមគំនិតរបស់ខ្ញុំបញ្ហាតូចតាចទាំងនេះ បែជាបានបង្កើនមិត្តភាពរវាងកម្ពុជានិងចិនកាន់តែល្អ ពីព្រោះនៅពេលនេះវាអាចឆ្លុះបញ្ចាំងថាតើភាគីណាមួយកំពុងសើចចំអកឱ្យយើង ហើយភាគីណានៅតែជួយយើង។ កម្ពុជានិងចិនមើលឃើញពីមនោសច្ចេតនាពិតក្នុងគ្រាលំបាក ហើយរួមគ្នាដោះស្រាយបញ្ហាទាំងនេះ ដើម្បីយើងកាន់តែមានសាមគ្គីភាពនិងកាន់តែជិតស្និទ្ធជាមុន។”

ឯកឧត្តមបន្ថែមថា ប្រសិនបើគ្មានមិត្តចិនជួយសាងសង់តំបន់សេដ្ឋកិច្ចពិសេសនិងទីក្រុងជឿនលឿន បូករួមទាំងផ្លូវថ្នល់និងស្ពាន វារីអគ្គិសនី និងហេដ្ឋារចនាសម្ព័ន្ធផ្សេងទៀត កម្ពុជាមិនចាំបាច់ទន្ទឹងរង់ចាំក្រុមហ៊ុនអន្តរជាតិដែលមកវិនិយោគនៅកម្ពុជាទេ។

“ខ្ញុំសូមលើកឧទាហរណ៍សាមញ្ញមួយ បើមានកាសាងសង់ផ្សារទំនើបឡើង ផលិតផលម៉ាកមកពីសហរដ្ឋអាមេរិកនិងអឺរ៉ុបនឹងចូលផ្សារទំនើបក្នុងរយៈពេលមួយឬពីរឆ្នាំ។ ប៉ុន្តែបើគ្មានផ្សារទំនើបទេ ម៉ាកល្បីៗទាំងនេះនឹងមិនចូលមកកម្ពុជាទេ ហើយក្រុមហ៊ុនអន្តរជាតិទាំងនេះនឹងវិនិយោគនៅប្រទេសផ្សេងវិញ។”​ឯកឧត្តមបានបកស្រយាយ៉ាងនេះ។

ជំនួយរបស់ចិនដើរតួយ៉ាងសំខាន់ក្នុងការអភិវឌ្ឍសេដ្ឋកិច្ចកម្ពុជា

ផ្លូវកន្លងមកដែលប្រទេសកម្ពុជាដើរមានភាពរដិបរដុប មានតែទំនាក់ទំនងមិត្តភាពប្រពៃណីចិនប៉ុណ្ណោះដែលបាននាំមកនូវផលប្រយោជន៍ស្ថិរភាពដ៏ធំដល់កម្ពុជា។

ឯកឧត្តម ហ៊ុយ វណ្ណៈបានរំលឹកឡើងវិញថា​ ទំនាក់ទំនងកម្ពុជាជាមួយសហគមន៍អន្តរជាតិមានបទពិសោធន៍ឈឺចាប់ជាច្រើន ឧទាហរណ៍ក្នុងកំឡុងពេលអាណានិគមបារាំងជិត ១០០ ឆ្នាំ ការមកដល់របស់ពួកគេមិនបានជួយកម្ពុជាក្នុងការកសាងហេដ្ឋារចនាសម្ព័ន្ធទេ ពួកគេនៅសល់តែ “ការត្រួតត្រា” ដែលជាកេរដំណែលនេះប៉ុណ្ណោះ។

“​ សហរដ្ឋអាមេរិកបាននាំគ្រាប់បែកមកអោយកម្ពុជា ប៉ុន្តែរហូតមកដល់ពេលនេះគ្រាប់បែកទាំងនោះមិនទាន់ត្រូវបានបោសសំអាតអស់ពីដីទេ ដែលបង្កអោយមនុស្សពាក់កណ្តាលលាននាក់បានស្លាប់បាត់បង់ជីវិត ។ ពួកគេក៏បានបង្កឱ្យមានជម្លោះផ្ទៃក្នុងនៅក្នុងប្រទេសកម្ពុជា ដែលបណ្តាលឱ្យមនុស្សស្លូតត្រង់ជាង៣ លាននាក់ស្លាប់ បន្ទាប់មកបាននាំឱ្យមានសង្គ្រាមស៊ីវិលជាង ២០ ឆ្នាំនៅក្នុងប្រទេសកម្ពុជាដែលបានធ្វើអោយប្រជាជនរងទុក្ខវេទនា។​ ​”

លោកក៏បាននិយាយដែរថា រហូតដល់ឆ្នាំ ១៩៩៨ ទើបកម្ពុជាសម្រេចបាននូវការបង្រួបបង្រួមជាតិដោយសន្តិភាពនិងពេញលេញ។

លោកបន្តថា ឥឡូវនេះសន្តិភាពបានចូលមកដល់ ហើយប្រទេសកម្ពុជាបានយកអតីតកាលទុកមួយលែក ហើយកំពុងខិតខំបង្កើតទំនាក់ទំនងមិត្តភាពជាមួយសហគមន៍អន្តរជាតិ។ “ កំណែទម្រង់ផ្ទៃក្នុងនិងការពង្រីកការទូត” ដែលត្រូវបានផ្សព្វផ្សាយដោយលោកនាយករដ្ឋមន្ត្រីហ៊ុនសែនគឺជាគោលនយោបាយដ៏ឈ្លាសវៃ។

ឯកឧត្តម ហ៊ុយ វណ្ណៈ រដ្ឋលេខាធិការ ក្រសួងមហាផ្ទៃ និង ជា​ប្រធាន​សហភាព​សហព័ន្ធ​អ្នក​សារព័ត៌មាន​កម្ពុជាក៏បាននិយាយផងដែរថា ​ចំណងមិត្តភាពប្រពៃណីរវាងកម្ពុជានិងចិនបានផ្តល់ផលប្រយោជន៍យ៉ាងច្រើនដល់ភាគីកម្ពុជា។ គ្រាន់តែជំនួយកសាងស្ពានប៉ុណ្ណោះ វាបានជួយកម្ពុជាក្នុងការលើកកម្ពស់ជីវភាពប្រជាជននិងជំរុញការការអភិវឌ្ឍផ្ផ្នែកសេដ្ឋកិច្ចយ៉ាងឆាប់រហ័ស។

​ម៉្យាងវិញទៀតលោកក៏បានលើកឡើងពីជំនួយរបស់ចិនចំពោះវ៉ាក់សាំងប្រឆាំងជំងឺកូវិទ១៩ដល់ កម្ពុជាហើយបាននិយាយថាបន្ទាប់ពីរបបខ្មែរក្រហម នេះគឺជាលើកទី ២ ហើយដែលប្រជាជនកម្ពុជាកំពុងជួបវិបត្តិដែលគ្រោះថ្នាក់ដល់ជីវិត ហើយជំនួយរបស់ចិនបានការពារ ជីវិតរបស់ប្រជាជនកម្ពុជា។

លោកហ៊ុយ វណ្ណៈបានមានប្រសាសន៍ថាផ្អែកលើ“ បងប្អូនដែកថែប” ដ៏រឹងមាំរបស់កម្ពុជានិងចិនកម្ពុជាអាចទទួលបានវ៉ាក់សាំងមួយចំនួនធំពីប្រទេសចិនសម្រាប់ចាក់បង្ការមេរោគកូវិទ១៩ ដល់ប្រជាជនបាន ជួយសង្គ្រោះអាយុជីវិតប្រជាជន និងស្តារសេដ្ឋកិច្ចជាតិយ៉ាងឆាប់រហ័ស ។

លោកបន្តថា ភាពជិតស្និទ្ធផ្នែកភូមិសាស្ត្រនៃប្រទេសកម្ពុជានិងប្រទេសចិនក៏ផ្តល់នូវលក្ខខណ្ឌល្អប្រសើរសម្រាប់ភាគីទាំងពីរក្នុងការធ្វើឱ្យទំនាក់ទំនងកាន់តែស៊ីជម្រៅ។

លោកក៏ជឿជាក់ថា បើប្រៀបធៀបជាមួយគោលនយោបាយផ្សេងទៀតប្រទេសកម្ពុជាទទួលបានអត្ថប្រយោជន៍ច្រើនពីគោលនយោបាយ“ ផ្លូវសូត្រសមុទ្រសតវត្សរ៍ ទី ២១” និង“ផ្លូវមួយ ខ្សែក្រវ៉ាត់មួយ” ដែលផ្តើមចេញដោយប្រទេសចិន។

លោកបានបន្ថែមថា គោលនយោបាយដែលផ្តើមចេញដោយប្រទេសចិនត្រូវបានអមដោយហិរញ្ញវត្ថុបានជំរុញយ៉ាងឆាប់រហ័សដល់ការការអភិវឌ្ឍរបស់ប្រទេសកម្ពុជា។