រដ្ឋសភាកម្ពុជាបើកសម័យប្រជុំលើកទី៣ និងបានអនុម័តរបៀបវារៈចំនួន២
នៅព្រឹកថ្ងៃទី៨ ខែវិច្ឆិកា ឆ្នាំ២០២៤ រដ្ឋសភាកម្ពុជាបានបើកសម័យប្រជុំលើកទី៣ នីតិកាលទី៧ ក្រោមអធិបតីភាពដ៏ខ្ពង់ខ្ពស់របស់សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា។
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជាដែលទើបតែបញ្ចប់បេសកកម្មចូលរួមកិច្ចប្រជុំនានានៅទីក្រុងគួនមិញ ខេត្តយូណាន ប្រទេសចិន ក៏មានវត្តមាននៅក្នុងកិច្ចប្រជុំនេះផងដែរ។
លោកស្រី យស ថានារី ដែលត្រូវបានរដ្ឋសភាតែងតាំងជាតំណាងរាស្ត្រមណ្ឌលខេត្តកំពង់ធំ
សម័យប្រជុំថ្ងៃនេះបានធ្វើការពិភាក្សា និងអនុម័តលើរបៀបវារៈចំនួន២៖
១. ការសម្រេចអំពីសុពលភាពនៃអាណត្តិរបស់លោកស្រី យស ថានារី ជាតំណាងរាស្ត្រមណ្ឌលខេត្តកំពង់ធំ ជំនួសលោក ជា ចាន់តូ ដែលបានទទួលមរណភាព។
២. ការពិភាក្សា និងអនុម័តសេចក្តីព្រាងច្បាប់ ស្តីពីការអនុម័តលុបចោលកិច្ចព្រមព្រៀងស្តីពីការជំរុញ និងសម្រួលពាណិជ្ជកម្មតំបន់ត្រីកោណអភិវឌ្ឍន៍ កម្ពុជា-ឡាវ-វៀតណាម (CLV-DTA)៕
评论被关闭。