កម្ពុជា-អារ៉ាប៊ីសាអូឌីតចុះ MOU ជំរុញទំនាក់ទំនងពាណិជ្ជកម្មទ្វេភាគី
កម្ពុជានិងអារ៉ាប៊ីសាអូឌីតបានចុះអនុស្សរណៈនៃការយោគយល់គ្នា (MOU) ដើម្បីជំរុញទំនាក់ទំនងពាណិជ្ជកម្មទ្វេភាគីនៃប្រទេសទាំងពីរ។
ការចុះអនុស្សរណៈនៃការយោគយល់គ្នា ស្តីពីការជំរុញទំនាក់ទំនងពាណិជ្ជកម្មរវាងកម្ពុជានិងអារ៉ាប៊ីសាអូឌីត ធ្វើឡើងកាលពីថ្ងៃទី៦ ខែកុម្ភៈ ឆ្នាំ២០២៥ នៅទីក្រុងរីយ៉ាដ នាអំឡុងពេលលោកស្រី ចម និម្មល រដ្ឋមន្ត្រីក្រសួងពាណិជ្ជកម្មកម្ពុជា កំពុងបំពេញទស្សនកិច្ចនៅអារ៉ាប៊ីសាអូឌីត ដោយមានលោកស្រី ចម និម្មល និងលោកបណ្ឌិត ម៉ាជីត ប៊ីន អាប់ឌុលឡា អាល់កាសាប៊ី (Majid bin Abdullah Al-Kassabi) រដ្ឋមន្ត្រីក្រសួងពាណិជ្ជកម្ម និងជាប្រធានអាជ្ញាធរទទួលបន្ទុកពាណិជ្ជកម្មអន្តរជាតិអារ៉ាប៊ីសាអូឌីតជាហត្ថលេខី។
អនុស្សរណៈនៃការយោគយល់គ្នានេះ បង្កើតឡើងក្នុងគោលបំណងពង្រឹង និងជំរុញការធ្វើពិពិធកម្មកិច្ចសហប្រតិបត្តិការពាណិជ្ជកម្ម ព្រមទាំងដើម្បីសម្រួលនិងស្វែងរកកាលានុវត្តភាពថ្មីៗ ក្នុងការធ្វើពាណិជ្ជកម្មរវាងប្រទេសទាំងពីរ៕
评论被关闭。