ក្រសួងពាណិជ្ជកម្មនឹងរៀបចំពិព័រណ៍ផលិតផលខ្មែរ និងបន្លែផ្លែឈើ លើកទី ១៨ នៅខេត្តសៀមរាប
ក្រសួងពាណិជ្ជកម្មកម្ពុជានឹងរៀបចំ “ពិព័រណ៍ផលិតផលខ្មែរនិងបន្លែផ្លែឈើ” លើកទី ១៨ នៅបរិវេណសួនហាត់ប្រាណមាត់ស្ទឹងសៀមរាប ខេត្តសៀមរាប ចាប់ពីថ្ងៃទី២៧ ខែកុម្ភៈ ដល់ថ្ងៃទី២ ខែមីនា ឆ្នាំ២០២៥ ក្រោមមូលបទ “បង្កើនតម្លៃបន្ថែមនៃអាជីវកម្មបន្លែផ្លែឈើ”។
ក្រសួងពាណិជ្ជកម្មបានឱ្យដឹងថា “ពិព័រណ៍ផលិតផលខ្មែរនិងបន្លែផ្លែឈើ” លើកទី ១៨ នេះ គឺជាឱកាសដ៏ល្អសម្រាប់កសិករ អាជីវករ និង សហគ្រិន ដើម្បីផ្សព្វផ្សាយផលិតផល និងស្វែងរកឱកាសធ្វើអាជីវកម្មថ្មីនិងកិច្ចសហការពាណិជ្ជកម្ម។
ក្រសួងពាណិជ្ជកម្មបានអំពាវនាវដល់អាជីវករ ផលិតករ អ្នកផ្គត់ផ្គង់ អ្នកកែច្នៃ សហគមន៍កសិកម្ម ម្ចាស់កសិដ្ឋាន អ្នកដាំដុះបន្លែផ្លែឈើ និង បងប្អូនប្រជាពលរដ្ឋគ្រប់មជ្ឈដ្ឋាន ជាពិសេសប្រជាពលរដ្ឋដែលរស់នៅខេត្តសៀមរាបស្រាប់ ចូលរួមកម្មវិធី “ពិព័រណ៍ផលិតផលខ្មែរនិងបន្លែផ្លែឈើ” លើកទី ១៨ នេះឱ្យបានច្រើនកុះករ និងស្វែងរកឱកាសបង្កើតដៃគូពាណិជ្ជកម្ម៕
评论被关闭。