ព្រះរាជពិធីបុណ្យអុំទូក ៣ ថ្ងៃ ផ្លូវល្បឿនលឿនភ្នំពេញ-ព្រះសីហនុបញ្ចុះតម្លៃ២០%
ដើម្បីអបអរសាទរព្រះរាជពិធីបុណ្យអុំទូក បណ្តែតប្រទីប និង សំពះព្រះខែ អកអំបុក ឆ្នាំ២០២៤ ក្រុមហ៊ុនផ្លូវល្បឿនលឿនភ្នំពេញ-ក្រុងព្រះសីហនុ នឹងបញ្ចុះតម្លៃ២០%សម្រាប់យានយន្តគ្រប់ប្រភេទដែលធ្វើដំណើរតាមផ្លូវល្បឿនលឿនភ្នំពេញ-ក្រុងព្រះសីហនុ រយៈពេល ៣ ថ្ងៃ គឺគិតចាប់ពីថ្ងៃទី១៤ -១៦ ខែវិច្ឆិកា ឆ្នាំ២០២៤។
យោងតាមសេចក្តីជូនដំណឹងស្តីពីការបញ្ចុះតម្លៃសម្រាប់ការធ្វើដំណើរតាមផ្លូវល្បឿនលឿនភ្នំពេញ-ក្រុងព្រះសីហនុ នៅក្នុងឱកាសនៃព្រះរាជពិធីបុណ្យអុំទូក បណ្តែតប្រទីប និង សំពះព្រះខែ អកអំបុក របស់ក្រសួងសាធារណការនិងដឹកជញ្ជូនបានឱ្យដឹងថា ដើម្បីចូលរួមអបអរសាទរនៅក្នុងឱកាសនៃព្រះរាជពិធីបុណ្យអុំទូក បណ្តែតប្រទីប និង សំពះព្រះខែ អកអំបុក ឆ្នាំ២០២៤ ក្រុមហ៊ុនផ្លូវល្បឿនលឿនភ្នំពេញ-ក្រុងព្រះសីហនុ នឹងបញ្ចុះតម្លៃ២០%សម្រាប់យានយន្តគ្រប់ប្រភេទដែលធ្វើដំណើរតាមផ្លូវល្បឿនលឿនភ្នំពេញ-ព្រះសីហនុ រយៈពេល ៣ ថ្ងៃ គិតចាប់ពីថ្ងៃទី១៤-១៥-១៦ ខែវិច្ឆិកា ឆ្នាំ២០២៤។
ទន្ទឹមនឹងនេះ ចំពោះយានយន្តដឹកទំនិញធុនធ្ងន់ដែលមានទម្ងន់ផ្ទុកលើសពី ១០ តោនឡើងទៅ ការបញ្ចុះតម្លៃត្រូវបានរក្សាដដែលទៅតាមម៉ោងកំណត់ គឺចាប់ពីម៉ោង ៨ ព្រឹកដល់ម៉ោង ៨ យប់ បញ្ចុះតម្លៃ៤០%។ ចាប់ពីម៉ោង ៨ យប់ដល់ម៉ោង ៨ ព្រឹក បញ្ចុះតម្លៃ៦០%។
ក្រសួងសាធារណការនិងដឹកជញ្ជូនសង្ឃឹមថា ការបញ្ចុះតម្លៃនេះនឹងអាចជួយកាត់បន្ថយបន្ទុកចំណាយរបស់ប្រជាពលរដ្ឋក្នុងការធ្វើដំណើរកម្សាន្តរវាងភ្នំពេញនិងក្រុងព្រះសីហនុ ដើម្បីចូលរួមជំរុញទេសចរណ៍ភ្នំពេញនិងក្រុងព្រះសីហនុនាឱកាសព្រះរាជពិធីបុណ្យអុំទូក បណ្តែតប្រទីប និង សំពះព្រះខែ អកអំបុក ឆ្នាំ២០២៤នេះ៕
评论被关闭。