កម្ពុជានឹងរៀបចំកិច្ចប្រជុំកំពូលធុរកិច្ចអាស៊ាន- កម្ពុជាឆ្នាំ២០២៥ នៅដើមខែមីនា
កិច្ចប្រជុំកំពូលធុរកិច្ចអាស៊ាន-កម្ពុជាឆ្នាំ២០២៥ នឹងប្រារព្ធឡើងនៅថ្ងៃទី៥ និងទី៦ ខែមីនា ឆ្នាំ២០២៥ នៅរាជធានីភ្នំពេញ ក្រោមអធិបតីភាពរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា។
កិច្ចប្រជុំកំពូលធុរកិច្ចអាស៊ាន-កម្ពុជាឆ្នាំ២០២៥ (Cambodia-ASEAN Business Summit 2025) ត្រូវបានរៀបចំឡើងក្រោមកិច្ចសហការរវាងសភាពាណិជ្ជកម្មកម្ពុជា និងក្រុមប្រឹក្សាពិគ្រោះយោបល់ធុរកិច្ចអាស៊ាន-កម្ពុជា ជាមួយសភាពាណិជ្ជកម្មអន្តរជាតិ សមាគមពាណិជ្ជកម្មនៅកម្ពុជានិងអាស៊ាន ក្រោមមូលបទសំខាន់ៗ ៣ គឺ ជំរុញការតភ្ជាប់អាស៊ាន៖ មនុស្ស ហេដ្ឋារចនាសម្ព័ន្ធ និង ពាណិជ្ជកម្ម។
យោងតាមសភាពាណិជ្ជកម្មកម្ពុជា កិច្ចប្រជុំកំពូលធុរកិច្ចអាស៊ាន-កម្ពុជាឆ្នាំ២០២៥ ត្រូវបានរៀបចំឡើងក្នុងគោលដៅជំរុញសក្តានុពលអាស៊ាន ដែលកម្ពុជាគឺជាចំណុចស្នូល និងលើកយកប្រធានបទសំខាន់ៗមកជជែកពិភាក្សា រួមមានការកសាងអនាគតអាស៊ាន៖ ការអភិវឌ្ឍ ហេដ្ឋារចនាសម្ព័ន្ធ និង ការតភ្ជាប់តំបន់ ការជំរុញវិបុលភាពតាមរយៈពាណិជ្ជកម្មនិងការវិនិយោគ និង មូលធនមនុស្ស៖ គន្លឹះឆ្ពោះទៅកាន់ការអភិវឌ្ឍពាណិជ្ជកម្មនិងហេដ្ឋារចនាសម្ព័ន្ធ។
ក្នុងអំឡុងពេលនៃកិច្ចប្រជុំកំពូលធុរកិច្ច ក៏មានរៀចំជាជំនួបពិភាក្សារវាងធុរជននិងតំណាងស្ថាប័នរាជរដ្ឋាភិបាល ជំនួបតាមវិស័យ និង ជំនួបពាណិជ្ជកម្មរវាងក្រុមហ៊ុននិងក្រុមហ៊ុនផងដែរ៕
评论被关闭。